فۆتۆگرافه‌ر کۆسار عومەر.
فۆکەس فۆتۆ- #چاوپێکەوتن
فۆتۆگرافه‌ر کۆسار عومەر.
وەک زۆرێک لەهاوڕێ و هاوپیشەکانم، کاری فۆتۆگرافیم وەک خولیاییەکی ژیانم هەڵبژارد..
ـ وەڵامدانەوەی تایبەتی ئەم پرسیارە ڕەنگە بۆمن زەحمەت بێت، چونکە لەگەرمیانم و لەم دەڤەرە بوارو کارکردن لەسەر فۆتۆو هونەری فۆتۆگرافی زۆر نوێیە و کاری هەمەڕەنگی بواری فۆتۆگرافیم کردوە بۆ ئەوەی هەرچی زوە بۆ ئێستاو داهاتویش ئەو کارانە ببنە ئەرشیفێک بۆ دەڤەرەکە، وەک کارکردن لەسەر پرسی ئەنفال، کەتائێستا بەهۆی نەبونی دۆکیۆمێنتەری پێویست ئەو کەیستە لەئاستی نێودەوڵەی نەناسێنراوە، هەروەها کارکردن لەسەر سروشتی ناوچەکە و گرنیدانیش بە پرسەنیشتمانیەکان ولەگەڵ ئەوەیشدا گەرمیان دەوڵەمەندە بە شوێنەواری کەڤنار و بەئەرشیفکردنی ئەو شوێنەوارانەیشم کردوە بەخەم و پیشەم، ئەمە لەلایەک و لەلایەکی تریشەوە بەهۆی ئەوەی من وانەی فێرکاری دەڵێمەوە، هاوکارت بەپێویستی دەزانم کەمتازۆر، کار لەسەر هەموو جۆری وێنەکان بکەم، بەڵام بەگشتی جێژ لەوێنەگرتنی ورد( Macro photograhy) دەبینم..
ڕێگەی سەرەکیم بۆ سودبینین، ئەنتەرنێت و تۆڕەکۆمەڵایەتیان بووە،پاشان سودم لەوخولانەبینیوە کە لەدەرەوەو ناوەوەی کوردستان بەشداربوم تیایاندا..
بۆ کارەکانم گرنگی زۆرم بە جۆری لێنزو کامێراکان نەداوە، زۆرجاریش بە مۆبایل دیمەنەکان تۆماردەکەم، تەنها بۆئەوەی پێشانی بدەین کە تەنها کامێراو لێنزی گرانبەها هۆکارنین بۆ وێنەی گونجاو، لەئێستایشدا کامێرای مامناوەند و لێنزی مامناوەند بەکاردێنم..
لەوێنەگرتندا ئەو ساتەی وێنەدەگرم، وەک دەستکەوتێک وایە بۆم کەدواتر وێنەکە بەدڵم (گونجاو) دەبێت..
قورسترین کاتم ئەوکاتانە بوو کە دەچومە بەرەی جەنگ بۆ تۆمارکردنی وێنە، کە زۆربەی کاتەکان ڕێگەیان نەداوە وێنەبگرین، کە تۆمارکردنی یەک وێنە لەبەرەی جەنگ، نرخی گیانی مرۆڤێکی هەیە..
زۆر ساتمان بەسەراهاتوە لەوێنەگرتندا کە هەم ڕووی خۆشی و بەشێکی تریش جێی دڵتەنگیمان بوون، ناخۆشترین کاتێک لەبیرناکرێت، بۆ کارێکی خۆبەخشی چوین بۆ ناوچەیەک، لەوێ تەنکەرێک هات بەسەر سەیارەکی هاوڕێیەکماندا و دواتر زۆربەی ئەندامانی بەشداربوو هەم مادی و هەمیش مەعنەوی خەسارۆمەند بوون، ڕۆژێکی لەبیر نەکراوبوو..
ئاواتمە هەموو وێنەگران بەڕێزو ڕەوشتەوە کارەکانیان بکەن و هاوکاری یەک بن و هاوکات ئاواتمە یاساییەکی ڕێک، چێ بکرێت بۆ مافی خاوەندارییەتی بۆ وێنەگران و تا کەس نەتوانی وێنەیان بەئاسانی و بەبێ ڕەزامەندی خاوەنەکەی بەکاربێنێت..
ئەوانەی تازە دێنە ناو کاری فۆتۆگرافییەوە، پێویستە دەستگیرۆییان بکرێت، ناکرێت بە توانج و قسەی ڕەق لەکارەکانیان کەمبکرێتەوە، پێیشیان دەڵێم بەردەوامبن و هەمومان هەربەو سەرەتاییەی ئێوەدا تێپەڕبوین و ڕەنگە بەماوەیەکی کەم ئێوە زۆر لەئێمە باشترببن لەبوارەکە..
Powered by Facebook Comments
هه‌ڵبژارده
